Хүүхдийн унтах үеийн аюулгүй байдал

Америк улсад жил бүр 3500 гаруй хүүхэд унтах үедээ шалтгаангүй нас бардаг гэсэн судалгаа байдаг бөгөөд унтах үеийн нас баралт нь 1 наснаас доош насны хүүхдийн нас баралтын тэргүүлэх шалтгаануудын нэг байдаг. Энэ үед ихэвчлэн шалтгаан тодорхойгүй эсвэл амьсгал бүтэж нас барсан тохиолдлууд байдаг.

Хүүхдийн аюулгүй унтахад юунд анхаарах ёстой вэ?

· Унтах үед хүүхдийг нуруугаар нь хэвтүүлж тавих

Хүүхдийг хажуугаар нь харуулж унтуулахаар өнхөрч доошоо харж хэвтэх эрсдэл нэмэгддэг

· Хатуу, тэгшхэн гадаргуутай оронд даавуун углаа хийх

Хүүхдийг хэвтээгүй байх үед оронд нь хонхор гардаггүй хатуу, тэгшхэн гадаргуутай матраас сонгох

· Нэг унтлагын өрөөнд тусдаа оронд унтах

Хүүхдийг дор хаяж 6 сар хүртэл нь нэг өрөөнд хамт унтах

· Өөрийн унтдаг орондоо хүүхдээ авч хамт унтахгүй байх

Хүүхэд 4 сараас доош настай үед хүүхэд эндэх эрсдэл 5-10 дахин, хүүхэд бага жинтэй эсвэл дутуу төрсөн үед 2-5 дахин нэмэгддэг

· Хүүхдийн орон дотор хөнжил, тоглоом, угж зэрэг юу ч байлгахгүй байх

Эдгээр зүйлс нь хүүхдийг боох, амьсгал бүтэх эрсдэлийг нэмэгдүүлдэг

· Хэт халуун хувцас өмсгөхгүй байх

Хүүхэд хөлрөх, арьс халууцаж улайх шинж илэрч байгаа эсэхийг анхаарах

· Хүүхдэд өмсдөг хөнжил өмсүүлэх

· Хүүхдийн нүүр болон толгой ил гарах хувцас өмсүүлэх

· Буйдан болон сандал дээр унтуулахгүй байх

Хүүхэд өөрийн орноосоо өөр газар унтсан тохиолдолд нэн даруй өөрийн ор луу нь зөөж унтуулах

· Хүүхдийн унтах орчинд тамхи, электрон тамхи татахгүй байх

· Хүүхдийн орны дээр зураг өлгөхгүй байх

· Хүүхдийг өөрөө өнхөрч чаддаг болтол нь өлгийдөж унтуулж болно

Эх сурвалж:

· https://www.aap.org/en/patient-care/safe-sleep/#:~:text=Avoid%20sleep%20on%20a%20couch,if%20possible%2C%20and%20avoid%20smoking.

· https://www.aap.org/en/news-room/campaigns-and-toolkits/safe-sleep/

· https://safetosleep.nichd.nih.gov

· https://www.cdc.gov/mmwr/volumes/67/wr/mm6701e1.htm?s_cid=mm6701e1_w

· https://raisingchildren.net.au/babies/sleep/sleep-safety/safe-sleeping-tips