Нарших

Халуун орчинд удаан байх мөн хүчтэй биеийн хөдөлгөөн хийх үед биеийн дулаан зохицуулах чадвар алдагдах үед наршдаг. Энэ үед хөлрөх үйл явц алдагдаж, биеэ хөргөж чадахгүй болсноор огцом биеийн дулаан нэмэгдэж, 10-15 минутын дотор 41°С хүртэл нэмэгдэж болдог. Яаралтай арга хэмжээ авахгүй бол хөгжлийн бэрхшээл болон нас баралтад хүргэж болно. 

Ямар шинж тэмдэг илрэх вэ? 

• Биеийн дулаан маш өндөр байх (40°С болон түүнээс дээш) 
• Сэтгэцийн байдал алдагдах (толгой эргэх, хэл яриа тулитрах, хий юм харах, татах, ухаан алдах) 
• Хөлрөх үйл явц өөрчлөгдөх (арьсанд хүрэхэд халуун, хуурай байх эсвэл хэт их хөлрөх) 
• Дотор муухайрах, бөөлжих 
• Арьс улайх 
• Амьсгаадах 
• Зүрхний цохилт түргэсэх 
• Толгой өвдөх 

Ямар үед наршдаг вэ? 

• Халуун, чийгтэй орчинд удаан байх 
• Халуун орчинд хүчтэй биеийн хөдөлгөөн хийх 

Дараах үед нарших эрсдэл нэмэгдэнэ: 

• Олон давхар, зузаан хувцас өмсөх 
• Согтууруулах ундаа уух 
• Хангалттай хэмжээний ус уухгүй байх 

Ямар арга хэмжээ авах вэ? 

• Сүүдэртэй, сэрүүн газарт аваачиж, гадуур хувцсыг тайлах 
• Толгой, хүзүү, суга, цавиар нойтон, хүйтэн даавуу эсвэл мөс тавих 
• Хувцсыг хүйтэн усаар шавших 
• Ус уулгах 
• Эдгээр аргуудыг хэрэглээд биеийн байдал дээрдэхгүй бол 103 дуудах 

Хэрхэн урьдчилан сэргийлэх вэ? 

• Сул, хөнгөн хувцас өмсөх 
• Нарнаас хамгаалах хувцас хэрэглэл, нарны тос түрхэх 
• Хангалттай хэмжээний шингэн уух 
• Унтраалттай машинд удаан хугацаанд суухгүй байх 
• Өдрийн хамгийн халуун үед сэрүүн орчинд байх 

Эх сурвалж: 

• https://www.cdc.gov/niosh/topics/heatstress/heatrelillness.html#:~:text=Heat%20stroke%20is%20the%20most,within%2010%20to%2015%20minutes 
• https://www.mayoclinic.org/diseases-conditions/heat-stroke/symptoms-causes/syc-20353581 
• https://www.nhs.uk/conditions/heat-exhaustion-heatstroke/