Явган аялал хийхдээ хэрхэн аюулгүй байдлаа хангах вэ?

Явган алхах үедээ өөрийнхөө туршлага болон хязгаараа тодорхойлж, өөрөөсөө дараах асуултуудыг асуугаарай. Өөрийнхөө чадварыг хэт өндөр үнэлж, өөрийнхөө хязгаарыг давахгүй байвал зохистой.  

• Миний явган аяллын туршлага ямар вэ? 
• Үүргэвчиндээ хэр их багаж, хоол хүнс, ус үүрч явах чадалтай вэ? 
• Өмнө нь ийм орчинд явган аялал хийж байсан уу? 
• Илүү өндөрлөг түвшинд гарах чадалтай юу? 
• Ганцаараа явах уу, хүнтэй явах уу? 

Явган аяллаа хэрхэн төлөвлөх вэ? 

Явган аяллаа төлөвлөх нь явган аялалд гарахын өмнөх маш чухал алхам бөгөөд ямар нэгэн төлөвлөөгүй асуудал, аюултай нөхцөл тулгарах үед ямар арга хэмжээ авахаа мэддэг байхад тусална. 

• Өөрт болон өөрийн багийнханд тохирсон газрыг сонгох 
• Аяллын төлөвлөгөөгөө үлдээх: хэнтэй хаана явах, ямар хугацаанд ирэхээ төлөвлөж байгаа, өөрийн мэдээллүүд зэргээ явган аялалд яваагүй хэн нэгэнд үлдээх 
• Яаралтай үеийн төлөвлөгөөтэй байх: хэн нэгэн гэмтэх эсвэл төөрөх үед авах арга хэмжээг мэддэг байх. Амилуулах суурь тусламж сурч, анхан тусламжийн иж бүрдэл авч явах 
• Харилцах аргатай байх: сүлжээгүй газруудад гар утаснаас өөр харилцуур ашиглах, бүрэн цэнэглэх 
• Бүх цаг агаарт бэлэн байх: цаг агаарын хүнд нөхцөлд ямар арга хэмжээ авахыг мэддэг байх, хоргодох байр болон шаардлагатай хэрэглүүрүүдийг авч явах 

Зайлшгүй биедээ ямар зүйлсийг авч явах шаардлагатай вэ? 

• Хоол хүнс, ус 
• Газрын зураг, луужин 
• Нарнаас хамгаалах тос, хэрэгсэл 
• Бороо салхинаас хамгаалах хувцас 
• Гэрэл чийдэн 
• Анхан шатны тусламжийн иж бүрдэл 
• Гал асаах хэрэгсэл, чүдэнз 
• Хутга, хайч, наалт зэрэг багаж 
• Алхахад тохиромжтой гутал (тулгууртай, резин ултай, шагайны дэмжлэгтэй) 
• Шавжаас хамгаалах цацлага 
• Зузаан, ноосон эсвэл синтетик материалтай оймс 
• Холголтын наалт 
• Байршил илрүүлэгч 
• Ус шүүгч багаж 
• Дэмжлэг сайтай үүргэвч 
• Майхан 
• Аяны уутан хөнжил 
• Аяны зуух, газ 
• Илүү хоол хүнс хадгалах сав 

Эх сурвалж: 

• https://www.nps.gov/articles/10essentials.htm 
• https://www.sportscoverdirect.com/scd-blog/hiking-safety-tips-and-advice/