Дасгал хийх үеийн зөвлөмжүүд

Дасгал зөв хийж сурснаар жин хасах, биеийн хүчийг нэмэгдүүлэх, ясны сийрэгжилттэй тэмцэх зэрэг давуу талуудтай. Харин дасгалыг буруу хийх үед гэмтэл авах эрсдэлтэй байдаг.

Дасгал хийх үедээ юунд анхаарах вэ?

· Дасгал хийх үед мэргэжлийн багшийн заавраар дасгалыг зөв хийж сурснаар шөрмөс тасрах, яс хугарах зэрэг гэмтлүүдээс урьдчилан сэргийлэх боломжтой. Мөн өөрийн биед тохирсон дасгалыг тохирсон хэмжээгээр хийх.

· Халаагүй булчин гэмтэлд илүү өртөмхий байдаг тул дасгал хийхийн өмнө 5-10 минут алхах зэрэг аеробик дасгал хийж биеэ халааж заншаарай.

· Биеийн нэг хэсгийг 2 өдөр дараалан ачаалуулахаас зайлсхийж, амраах хэрэгтэй.

· Дасгал хийхийн өмнө, хийх үед болон дараа хангалттай хэмжээний ус уух.

· Биеэ хангалттай амрах хугацаа олгох, энэ үед гэмтсэн булчингууд өөрийгөө эдгээх боломж бүрддэг.

· Хүчний дасгал болон кардио дасгалыг хослуулан хийх

Дасгал хийх үедээ юунаас зайлсхийх вэ?

· Дасгалыг яарч хийхээс зайлсхийж, дасгал бүрийн хооронд ойролцоогоор 1 минут амарвал зохистой. Дасгал хийх үед биеийн аль нэг хэсэгт өвдөлт мэдрэгдвэл хүчлэхгүйгээр зогсох.

· Биедээ шаардлагатай шим тэжээлүүдээ хангалттай хэмжээгээр авах шаардлагатай. Мөн хоосон ходоодтой дасгал хийхээс зайлсхийж, дасгалын дараах хоол хүнсэндээ анхаарах.

· Дасгалыг хэтрүүлэн хийх

· Өөрийгөө бусадтай харьцуулах

Эх сурвалж: · https://www.mayoclinic.org/healthy-lifestyle/fitness/in-depth/weight-training/art-20045842