Ахуйн цэвэрлэгээний бодис эрүүл мэндэд сөрөг нөлөөтэй юу?

Бидний ахуйн хэрэглээнд хэрэглэдэг цэвэрлэгээний бодисууд нь олон төрлийн химийн бодисууд агуулдаг. Эдгээрийг зөв хэрэглэж, хадгалаагүйгээс эрүүл мэндэд сөрөг нөлөө үзүүлэх эрсдэлтэй. Харин зааврын дагуу зөв хэрэглэж, хадгалснаар ихэвчлэн өвчлөл үүсгэхээргүй бага хэмжээтэй агуулагдсан байдаг. Цэвэрлэгээний бодисууд, түүнд агуулагдах химийн бодисууд, эрүүл мэндэд үзүүлэх нөлөөг харуулбал: 

• Угаалгын нунтаг – Энэ нь толбо арилгах үйлчилгээтэй катион, анион зэрэг энзимүүд агуулдаг. Нэг дор их хэмжээгээр өртсөн тохиолдолд гуурсан хоолой багтраа үүсгэх эрсдэлтэй.  
• Бүх гадаргуу цэвэрлэгч – Эдгээр нь угаалгын нунтаг, тос арилгагч, уусгагч болон халдваргүйжүүлэгч бодис агуулдаг. Найрлагад аммони, этилин гликол монобутил ацетат, гипохлорт натри эсвэл тринатрийн фосфат ихэвчлэн ордог. Эдгээрийн найрлагаас хамаарч арьс салст, нүд,  хамар, хоолойг цочроодог. 
• Белизна – гипохлорт натри агуулдаг бөгөөд арьс, нүд, хамар, хоолойг цочрооно.  
• Аяга таваг угаагч – фосфат агуулдаг бөгөөд арьс салст цочроох боломжтой. 
• Цонх, шил арчигч – аммони болон изопропанол агуулдаг бөгөөд залгих үед ухаан алдах, толгой эргэх, амь насанд аюултай 
• Жорлон угаагч – гипохлорт натри, гидрохлорын хүчил, белизна агуулдаг бөгөөд нүд, арьсыг цочроодог. 

Цэвэрлэгээний бодисуудтай хэрхэн зөв харьцах вэ? 

Эдгээрт химийн бодисууд агуулагдаж байдаг ч дараах зөвлөгөөг дагаж өөрийгөө болон хайртай хүмүүсээ эрсдлээс хамгаалаарай: 

• Зааврын дагуу хэрэглэж, хадгалах (зааврын дагуу хэрэглэх, заавраас их хэмжээгээр хэрэглэхгүй байх) 
• Ихэнх химийн бодисууд арьсаар шимэгддэг тул харьцахдаа үргэлж резинэн бээлий, хормогч өмсөх шаардлагатай 
• Өрөөний агааржуулалтад анхаарч, нэвт салхилуулж байх хэрэгтэй 
• Хоёр болон түүнээс дээш химийн бодисыг хооронд нь хольж огт болохгүй. Зарим химийн бодисууд холилдох үедээ урвалд орж, хорт хий ялгаруулдаг 
• Нүдэнд химийн бодис орох эсвэл арьсанд хүрэх тохиолдолд шууд цэвэр усаар зайлах шаардлагатай 
• Санамсаргүй залгисан тохиолдолд яаралтай эмнэлэгт хандах 
• Ил галаас хол хадгалах, хэрэглэх 

Цэвэрлэгээний бодисууд эрүүл мэндэд сөрөг нөлөө үзүүлэх нь дараах зүйлсээс хамаардаг: 

• Агуулагдах химийн бодис/ууд 
• Хэмжээ  
• Хугацаа 
• Хэрэглээний давтамж 
• Таны ерөнхий эрүүл мэндийн байдал  

Эх сурвалж: 

• https://my.clevelandclinic.org/health/articles/11397-household-chemical-products-and-their-health-risk 
• https://www.atsdr.cdc.gov/emes/public/docs/Chemicals,%20Cancer,%20and%20You%20FS.pdf 
• https://www.cancer.gov/about-cancer/causes-prevention/risk/substances 
• https://www.intechopen.com/chapters/57481 
• https://www.cancer.org/healthy/cancer-causes/chemicals/benzene.html 
• https://www.webmd.com/cancer/know-common-carcinogens