Халдварт өвчин болон дархлаажуулалт
2025 оны байдлаар Монгол улсад дараах халдварт өвчнүүдийн тохиолдол хамгийн их бүртгэгдэж, хэвтэн эмчлүүлсэн байна.
- Салхин цэцэг
- Бруцеллёз
- Вируст гепатит
- Шигеллоз
- Сүрьеэ
- Бүслүүр үлд
2025 оны байдлаар Монгол улсад дараах халдварт өвчнүүдийн тохиолдол амбулаторид хамгийн их бүртгэгдсэн байна.
- Салхин цэцэг
- Тэмбүү
- Гонококк
- Шигеллоз
- Трихомониаз
- Сүрьеэ
Дархлаажуулалт гэдэг нь тодорхой халдварт өвчнүүдийн эсрэг олдмол дархлааг бий болгодог биологийн бэлдмэл юм. Монгол улсад заавал хийх, нөхөн, нэмэлт, сайн дурын дархлаажуулалтыг хийдэг.
Заавал хийх дархлаажуулалтад сүрьеэ, халдварт саа, В вируст гепатит, сахуу, хөхүүл ханиад, татран, улаанбурхан, В хэв шинжийн хемофилюс инфлюенза нянгийн халдвар, А вируст гепатит, пневмококк, хүний папиллома вирусийн халдвар, гахай хавдар, улаануудын эсрэг вакцинууд хамрагддаг.
ДЭМБ-ийн мэдээллээр дархлаажуулалт нь жил бүр 3.5-5 сая нас баралтаас урьдчилан сэргийлдэг байна.
Вакцин хийлгэх нь ямар гаж нөлөө үүсгэдэг вэ?
Дархлааны тогтолцоо идэвхжих үед заримдаа ядарч сульдах, толгой өвдөх, тунгалгийн булчирхай томрох, халуурах зэрэг гаж нөлөө үүсгэж болдог. Эдгээр гаж нөлөө нь ихэвчлэн 1-2 өдөр үргэлжилдэг.
Би ямар вакцин хийлгэх шаардлагатай вэ?
Заавал хийх дархлаажуулалтыг хүн бүр хийлгэх шаардлагатай бөгөөд өөрийн эмчтэйгээ ярилцан нэмэлтээр вакцин хийлгэх шаардлагатай эсэхийг шийдвэрлэнэ. Халдварт өвчнөөр өвдөх эрсдэл нэмэгдэх нөхцөл байдлуудын үед сайн дурын дархлаажуулалт хийлгэж болно.
Эх сурвалж:
- health indicators 20251015.pdf
- https://www.who.int/health-topics/vaccines-and-immunization/#tab=tab_1
- https://legalinfo.mn/mn/detail/245
- https://www.hopkinsmedicine.org/health/treatment-tests-and-therapies/vaccines